Allt sem verkið þarf, frá tilboði til reiknings

Fyrirspurnir týnast auðveldlega í pósthólfinu. Rektor gefur þér netfang fyrir fyrirspurnir og hver póstur sem berst á það verður að fyrirspurn, með viðskiptavininum, heimilisfangi verksins og myndunum.

Oft þarftu að sjá aðstæður áður en þú gerir tilboð. Þú bókar skoðunina á meðan viðskiptavinurinn er enn í símanum og hann fær tillögu að tíma í tölvupósti sem hann staðfestir með einum smelli.

Þú skráir verðskrána einu sinni sem einingar, eða sækir hana úr bókhaldinu, og setur svo saman sundurliðað tilboð með því að velja einingar og magn. Viðskiptavinurinn fær tilboðið í tölvupósti með PDF í viðhengi.

Tilboðið opnast á síðu í vafra með merki fyrirtækisins þíns, öllum liðum og heildarupphæð með VSK. Viðskiptavinurinn þarf hvorki að skrá sig inn né sækja app til að svara.

Hvert samþykkt tilboð fer á tímalínuna, þar sem þú sérð vikuna eða mánuðinn í heild. Þegar áætlun breytist dregur þú verkið á nýjan dag og velur hvort viðskiptavinurinn fái tölvupóst um það.

Starfsfólkið er með verkefnið, verklýsinguna og kort af verkstaðnum í símanum. Þar stimplar það sig inn, skráir hvað er búið og tekur myndir, og hver og einn notar appið á sínu tungumáli.

Gleymd stimplun kostar peninga. Rektor setur verkgirðingu um hvern verkstað, síminn minnir starfsfólkið á að stimpla sig inn við komu og út við brottför, og staðsetningin er vistuð við hverja stimplun.

Enginn þarf að skrifa í dagbókina. Stimplanir, framvinda, myndir og minnispunktar starfsfólksins raðast sjálfkrafa á réttan dag, og þú sækir verkdagbókina sem PDF þegar verkkaupi eða eftirlitsaðili biður um hana.

Aukaverk sem eru ekki skráð gleymast eða enda í ágreiningi. Þú skráir aukaverkið á verkefninu og viðskiptavinurinn fær beiðni með verði sem hann samþykkir rafrænt áður en vinnan hefst.

Þegar tilboðið er samþykkt verður tilboðssíðan að framvindusíðu verksins. Þar sér verkkaupinn hvað er búið, dagsetningarnar og áætluð verklok, og framvindan kemur beint úr því sem starfsfólkið skráir.

Samskipti við undirverktaka fara oft fram í símtölum og smáskilaboðum. Í Rektor framselur þú verkefnið gegn þóknun, undirverktakinn setur upp tilboðið og bæði fyrirtækin sjá sömu stöðu þar til verkinu lýkur.

Á vinnusvæðinu þarf starfsfólkið að bera vinnustaðaskírteini. Nafnið og upplýsingar fyrirtækisins eru þegar í Rektor, svo þú bætir bara við mynd, starfsheiti og kennitölu.

Þú þarft ekki að fletta upp tilboðinu og muna aukaverkin. Reikningurinn byggir á einingum verkefnisins, samþykktum aukaverkum og efniskaupum, og fer í DK eða Payday með einum smelli.

Þú þarft ekki að skipta um bókhaldskerfi. Tengdu DK eða Payday einu sinni og sæktu vörurnar sem einingar. Eftir það fara reikningar beint í bókhaldið og greiðslustaðan kemur til baka í Rektor.

Laun hækka og efni verður dýrara, svo verð sem skilaði hagnaði í fyrra gerir það kannski ekki í dag. Rektor reiknar áætlaðan hagnað á hverju tilboði út frá kostnaði eininganna og launum starfsfólksins og varar þig við ef framlegðin er lág.

Skýrslurnar byggja á sömu stimplunum og einingum og allt annað í Rektor, svo tölunum ber alltaf saman. Þú sérð hvaða verk og viðskiptavinir skila mestri framlegð og launin eru tekin saman fyrir hvert launatímabil.